喺面書見到朋友一幅炭爐燒嘅相，結果就引到我同幾個朋友捐窿捐罅，特登去幫襯呢間位於巷仔度嘅鴻福。去到感覺熟口熟面，原來唔少電影都會喺度拍！講真餐廳都幾地踎，但食炭爐燒又幾有風味，我哋一行人分咗兩個炭爐，一個用嚟打邊爐烚吓丸同菜；另一個就係燒烤。叫咗蟶子、鮑魚、牛脷、雞腎、白鱔等，貪佢哋燒同灼都得。最先嚟係蟶子同鮑魚，鮑魚新鮮到仲不停郁，雖然好似有啲殘忍，但又真係好鮮味。最正係燒牛脷，加少少鹽可謂入口即溶！最後要高度讚揚兩位同行猛男，大汗叠細汗，燒到無停手，我哋埋單每人唔使$200，都算抵食。
鴻福海鮮四季火鍋（2365 0112）
地址：土瓜灣落山道86號地下巷內
激戰拍續集，但家輝話唔敢再變筋肉人？
到底練定唔練？即睇足本《亂噏24》，專訪張家輝、林超賢！
http://bit.ly/appletalk24