巴西喺上周六友賽主場迎戰遠道而嚟嘅澳洲，強陣出擊結果上下半場各入3球下以6:0大勝對手。一眾巴西前鋒喺呢場波真係皆大歡喜，難得正選上陣嘅祖奧梅開二度，尼馬亦建一功幫巴西喺半場領先3:0。
易邊後拉美利斯入波再拉開比數，之後前鋒柏圖後備入替唔夠3分鐘就以一記蠍子擺尾靚波射成5:0，超過一年之後再次為巴西取得入球；到完場前巴西由路爾斯古斯達禾埋齋搞掂，開個12倍「主其他」波膽，場波最美中不足嘅係馬些路係呢場波受傷。巴西會喺周二繼續喺主場迎戰葡萄牙，不過後者肯定唔會有受傷嘅C朗候命，冇得睇尼馬大戰C朗，就失色咗少少。
激戰拍續集，但家輝話唔敢再變筋肉人？
到底練定唔練？即睇足本《亂噏24》，專訪張家輝、林超賢！
http://bit.ly/appletalk24