【堅哥與你】
香港朋友說，想移民台灣，因為香港好亂。
我說台灣一樣呀！藍綠一日到晚嘈餐飽。
朋友說，不同。香港是自己的家。親眼睇住佢沉淪，心好噏，會得憂鬱症。
如果移了民台灣，睇少咗、聽少咗，心情會好好多。而且台灣再亂，他只是移民，沒有切膚之痛咁話。
咁都得！？
的確，這幾年來台旅行及定居的香港人多了很多。
五年前，來台旅遊港人每年十幾萬至三十萬人次，但由2008年開始，人次加至五十萬到六十萬。2012年更高達八十幾萬。
在台北遊客區，其實見到香港人機會多過見到大陸人。
至於移民方面。94、95年最多，分別一千一百及一千二百人。之後每年均只是二、三百人。但2012年突然多至六百多人。
港人移居台灣好簡單，一百五十萬港幣就可以辦投資移民。而且台灣生活指數比香港低，樓價也平三成上下。如果不怕遠少少，搬去香港人最愛的淡水區（因為似香港，在海邊），三、四百萬港幣一千呎單位，冇問題。
係就快手，平靚正。
話又說回頭。
朋友說，香港是我家，親眼睇住佢沉淪，不如遠走高飛。這種想法好有問題。
你屋企火燭、你屋企水浸、你屋企陸沉……你嘟一聲走咗去？唔係啩？
我一來對香港沒有那麼悲觀；二來如果我們這麼愛這個家，自然就有責任去保護她。
結論是，移乜鬼民啫！
台灣？頂！連英格蘭超級足球聯賽都冇得播，更不要說意大利聯賽啦！呢啲地方，世界都唔知去邊度搵得到！救命！
葉一堅
逢周一刊出
mailto:[email protected]
激戰拍續集，但家輝話唔敢再變筋肉人？
到底練定唔練？即睇足本《亂噏24》，專訪張家輝、林超賢！
http://bit.ly/appletalk24