飾演舞癡「阿花」的Cherry，跳跳紮形象相當討好，肥佬黎問：「你係咪由細到大都發明星夢？」Cherry如實答：「其實我當初真係。細個嗰陣成日睇歌唱節目，個心好衰就諗你咁都得？我成日喺浴室沖涼都唱歌㗎啦，我又識跳舞喎，可能我都得呢！」後來慢慢成長，發現自己性格較內歛，不太習慣在陌生人面前說話，只有在舞台或鏡頭上，才可變成另一個人。至於飾演太極高手「柒良」的BabyJohn雖有舞台劇經驗，銀幕演戲還是第一次，不過肥佬黎激讚他入型入格，尤其玩手巾仔一幕簡直出神入化，原來多得黃修平導演點化，教他用九型人格去演，模仿對象竟是孔子！想同兩個影壇超新星飲嘢吹水，千祈咪錯過星期四晚11：00《亂噏24》足本版！
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！