俄羅斯網球美女舒拉寶娃（Maria Sharapova）近年百足咁多爪，高踞女單世界排名第三位的前世界一姐，棄戰現正舉行的美國網球公開賽，昨日現身加拿大籍設計師Jason Wu的2014春夏時裝騷，似乎想在時尚界力衝一姐之位。
麥當娜或殺入香港
最近積極往時裝界發展的舒娃，昨日與紡織大王曹光彪孫女曹穎惠（Veronica）、美國女歌手Alicia Keys及時裝雜誌《VOGUE》主編Anna Wintour現身與美網一樣在紐約舉行的Jason Wu的2014春夏時裝騷，而Jason Wu的父母亦現身支持。
事實上，舒娃早前曾創立自家品牌Sugarpova，此品牌本來只出同名糖果，但及後舒娃更推出品牌時裝，而她曾在本屆美網舉行前，想將自己參賽的名稱改為「Sugarpova」，引來一陣風波，後來舒娃因傷棄戰美網，因此未能如願。
至於Veronica就透露現正為家族打理時裝生意，她說：「當中有十幾個牌子代理，新嘅品牌有麥當娜的Material Girl。」她表示此品牌在內地已有十多間店，被問及何時會引入香港時，她表示：「計吓數先。」Veronica亦透露會留至Michael Kors的時裝騷，已知台灣女神林志玲亦會前來睇騷。
Heidi人魚look行騷
同樣在紐約出席時裝周活動的，還有德國名模Heidi Klum。她為了自己主持的節目《天橋驕子》（Project Runway），與一眾評審及美國女星嘉莉華盛頓（Kerry Washington）齊齊走上天橋行騷。雖然嘉莉性感低胸，不過經驗豐富的Heidi以一襲斜肩人魚裙艷絕群芳。
另外，美國百變天后Lady GaGa昨日在紐約出席時裝傳媒頒獎禮時，就穿起泡泡袖裝出席，相當搶鏡。
採訪：梁錦雯
攝影：葉君海
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！