莊思敏、連詩雅及吳若希有個共通點──修長美腿！三女最近在葉念琛執導的新片《溝女不離3兄弟》中，當然會騷騷美腿、露露本錢，當中莊思敏更不乏激情場面，穿T-back引誘陳奐仁，又與沈震軒大玩車震，挑戰性感底線。而「夜蒲女」連詩雅及「乖乖女」吳若希都自愧不如，未敢以內衣示人。
撰文：溫敏芝
莊思敏、連詩雅及吳若希日前在九龍灣接受本報訪問，齊齊晒長腿，爭妍鬥麗。莊思敏於戲中與男友沈震軒（Sammy）有場車震場面，另與一夜情人陳奐仁（Hanjin）有場僅穿bra及T-back的激烈床戲。莊思敏說：「其實Sammy喺加拿大返嚟已經識，所以拍車震都唔係好尷尬。只係郁吓交代車震，冇激吻嘅，如果要錫我都接受嘅。」
莊思敏T-back擒仔
莊思敏與陳奐仁拍床戲，她大讚導演葉念琛細心清場：「場戲講陳奐仁想呃我係有錢仔，我應約，但到最關鍵時，我反客為主擒佢，唯一尷尬係當時我着T-back，如果企喺我後面會尷尬啲，見晒成個pat pat！」她笑指這場戲要令Hanjin有被強姦感覺：「事前我都要求Hanjin叫老婆探班，但佢話老婆知道對手係我就話好放心！我都係女仔，真係去到咁冇殺傷性咩！」她表示拍這場戲，唯一考慮是要減肥十磅。
莊思敏當年第一部客串的電影，就是葉念琛處女作《甜絲絲》，至今二人已合作八次，她說：「初初同佢唔熟㗎，第一部戲完全冇印象見過㖭，近年先開始認識。」她直言拍攝時緋聞男友葉念琛沒有特別照顧，但大讚他有才華。是否喜歡他那類型？莊思敏說：「如果做男朋友要溝通到，我同佢做到朋友，起碼有最基本溝通先啦，但發展空間冇去諗，我唔會主動追人，如果對方冇任何表示，我亦唔會有表示。」
至於連詩雅在電影《喜愛夜蒲》第一、二集有大膽激吻場面，今次她在《溝》片飾演一個反政府的rock妹：「今次粗魯啲，會不顧儀態坐喺度擘大腳，食嘢狼吞虎嚥，嗰場戲我一次過食咗四塊麵包、三條腸仔、通粉，漢堡扒同雞蛋，最後一cut機真係嘔番出嚟！」戲中她與沈震軒有親熱戲：「好彩我唔係第一次同沈震軒合作，所以有默契。」她在《喜》系列大膽破格性感，但原來她接受不到穿內衣示人：「我冇嘢可以賣弄，如果好似莊思敏着胸圍內褲，我未接受到！可能要豐胸成功，食肥啲，或者對自己身材滿意啲先可以。」
吳若希索爆媽媽生
而吳若希在戲中飾演媽媽生，未免欠缺說服力，不過連詩雅卻大讚她索，吳若希這個媽媽生角色，要穿低胸裙、露長腿，並與張建聲有段曖昧感情戲，有否親熱戲？吳若希即說：「冇！我未慣，無論拍戲、影相有男伴喺身邊都會硬晒，之前試鏡導演都知。」為了解角色，吳若希曾看70、80年代有夜總會場景的戲：「我都同導演講好想做吳君如，想做一個大家見到我會想笑嘅角色。」
服裝：GUESS（連詩雅）、initial（莊思敏、吳若希）
場地提供：E-max
激戰拍續集，但家輝話唔敢再變筋肉人？
到底練定唔練？即睇足本《亂噏24》，專訪張家輝、林超賢！
http://bit.ly/appletalk24