李若彤昨日在尖沙嘴出席朱古力展覽活動，她笑言愛以甜品當正餐，每日最少吃十粒朱古力，幸好工作及運動消耗量大，所以從不擔心影響身形。李若彤目前忙於拍攝無綫劇集《M Club》，獲不少人稱讚拍劇後狀態不俗，問到會否繼續拍劇？她說：「套劇最快拍到10月尾，不過𠵱家有唔少劇集同電影搵我，等我拍晒劇先再諗，只要唔係太辛苦，角色吸引就冇所謂，我唔會為錢而去做。」問她會否再與無綫合作？她說：「我諗短期內唔會，因為我聽聞呢套劇有好多嘢係額外，好多劇冇㗎！之後會唔會有額外呢？真係要諗真啲！」她稱不介意返內地拍劇：「我唔怕悶，反而要睇時間，如果要我12月、1月去橫店就唔會，因為太凍喇！我試過全身貼晒十一個暖包都打冷震，記憶猶新！」
採訪、攝影：何慧斯
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！