（怒）英意西德上個禮拜五嘅世盃外歐洲區齊齊開熱W，但荷蘭同法國就失威，仲跣捧場客一鑊。賽前喺D組6戰全勝嘅荷蘭作客弱隊愛沙尼亞，客W同[-1]「客勝」分別熱至1.11倍及1.48倍，但要靠尹佩斯喺補時3分鐘入12碼（上圖），先至逼和2:2唔使輸。至於I組嘅法國一樣咁衰，從格魯吉亞打和0:0，1.34倍熱W泡湯；咁都未算，佢哋嘅射手賓施馬喺國際賽嘅入球荒，仲要增至1,217分鐘，睇嚟教練迪甘斯要諗諗點幫佢搵番對射門鞋。另外，中北美洲同加勒比海區名牌球隊美國及墨西哥（下圖黑衫），呢日都一齊輸波，分別作客負哥斯達黎加1:3及主場反輸洪都拉斯1:2。好彩美國仲排第2，但墨西哥就俾洪都拉斯趕過跌落第4，佢哋足總喺賽後仲炒埋教練迪拿托利㖭。
激戰拍續集，但家輝話唔敢再變筋肉人？
到底練定唔練？即睇足本《亂噏24》，專訪張家輝、林超賢！
http://bit.ly/appletalk24