【本報訊】「梁粉」行政會議成員張志剛昨日出席港台節目時，發表連番謬論死撐梁振英，指港人不應只識鬧政府。張又指，林慧思由於在政府津貼學校任教，所以下班後講粗口不屬個人行為，梁要求教育局提交報告並無不妥，又自稱過去20年從未見過有老師會講粗口。多名在席學生質疑張志剛言論，指若然老師休班後講粗口，教育局就要交報告，「啲報告叠埋應該高過IFC（國際金融中心）」。
斥港人不應只鬧政府
張志剛昨日出席港台節目時，有在席學生質疑梁振英管治能力有問題，應為撕裂香港問責下台。張志剛則一邊承認政府表現「不盡如人意」，一邊辯稱管治困難不是香港政府獨有，認為港人不應只識鬧政府，「如果日日都鬧，做嘢嗰個都冇乜心機」。張又質疑，早前市民在報章刊登要求北京撤換特首的廣告，是未有維護一國兩制，幸好梁振英面對批評時，一直保持平靜心態，「所以可能先咁襟玩」。
多名學生即場反駁張志剛言論，有女學生指，「梁振英僭建我唔鬧佢，唔通我讚佢真係叻，識得活用空間？國民教育9萬人上街，唔通我讚佢真係做得好，施政顧及沉默大多數？」另有在席學生認為林慧思老師被針對，是由於其維護法輪功的政治立場，指若然老師休班時講粗口，教育局就要交報告，「啲報告叠埋應該高過IFC」。
激戰拍續集，但家輝話唔敢再變筋肉人？
到底練定唔練？即睇足本《亂噏24》，專訪張家輝、林超賢！
http://bit.ly/appletalk24