復出拍戲的梁洛施（Isabella）戀上張艾嘉兒子，昨日致電問Isabella好友黃秋生可知新戀情？他說：「唔知，拍戲咋嘛？食飯冇講呢啲，我唔鍾意理人同邊個邊個。佢有講過吓邊個搵佢拍戲，接《念念》前有問過我意見，我話張艾嘉好呀，照顧到佢，拍戲考慮製作，張艾嘉信得過，相信佢唔係因為第二啲原因。」
可覺有愛情滋潤的Isabella更甜蜜？秋生說：「佢不嬲好笑容，佢鍾意復出，復唔復出都支持。」如梁洛施拍拖，會戥她開心嗎？他說：「冇如果，唔知呢啲嘢，鍾意點就點，莫講係契女，自己個女都理唔到。」
至於提攜Isabella令她封葡萄牙影后的彭浩翔，昨日透過短訊回覆說：「從不知，也不知真假。」此外，彭導和老婆前晚11時多在銅鑼灣時代廣場附近出現，與一男一女友人等的士，當的士來時，彭浩翔沒等老婆便箭步上車。
採訪、攝影：黃曉程、楊浩賢、朱志聰
激戰拍續集，但家輝話唔敢再變筋肉人？
到底練定唔練？即睇足本《亂噏24》，專訪張家輝、林超賢！
http://bit.ly/appletalk24