【時髦運動】
電影《激戰》將近年本港逐漸興起的一股打拳熱升上沸點。打拳，不再是紋身青年、「三山五嶽」的專利。泰拳、西洋拳、散打一時間成為時髦的運動，「男的操肌、女的操fit」，為了減肥、減壓，不少女生走進了拳館。17歲的中六女生劉晶晶、21歲的大學生文善彤，更登上了人生第一場拳賽擂台。
今年7月由香港武術聯會舉辦的2013中國武術散手「香港盃」公開賽，在56公斤新秀組賽事中，一名17歲的女選手，僅兩個回合便將對手打落台下奪冠。她叫劉晶晶（Annie），今年升讀中六，兩年前，為了減肥學習泰拳，同時亦想透過練拳來舒緩文憑試帶來的讀書壓力，但她怎麼亦想不到，自己最終會站在擂台上。
對於為甚麼會選擇打拳這種運動，Annie說：「我覺得一個人做運動好悶，打拳有對手就唔同喇，而且有教練逼住做，唔會偷懶。」至於打拳帶來的心得，她說：「打拳後覺得自己冇咁暴躁，溫書時會集中啲。」
「地獄式」操練谷體能
當知道要上擂台比賽，Annie開始了自稱「地獄式」的操練，由每星期兩堂（每堂2小時）變成日日練，星期天更要跑山練氣，操足4小時，「要一小時不停跑，真係好辛苦」。此外她還要學習攻防技巧和抗打訓練，跟身材高大的師兄較量，由於實力懸殊，Annie不時被擊中，「數唔到中咗幾多拳，都頂得住！練得多，上台俾人打都冇咁痛。」又要被人站在腹部做sit-up，或被10磅重的膠波擲向腹部等。
自稱從未被父母打過的Annie笑說：「以前我做嘢三分鐘熱度，好易放棄，但被人打反而訓練到我更堅持。」
同樣學拳兩年、在城大讀人力資源管理系的文善彤（Cherie）今年21歲，亦參加了60公斤級別新秀組賽事，為了這次擂台大戰，她剪掉留了多年的長髮，怎料，最終因為「冇對手」而失去了比賽機會。「唔會失望，學咗嘅嘢對自己都有用」。她渴望下次再走上擂台。
近年女性學拳變成一種風潮，尖沙嘴一家拳館的助理教練Eva表示，近年拳館共收了12,000名女學員，現時每班的男女比例是6比4，不少女生是以減肥為目的，加上因為打拳不像做健身般沉悶，所以越來越受歡迎。
《蘋果》記者
激戰拍續集，但家輝話唔敢再變筋肉人？
到底練定唔練？即睇足本《亂噏24》，專訪張家輝、林超賢！
http://bit.ly/appletalk24