「小明」花弗全行都知，但佢媾女招數唔多，最耍家就係用電話傳情。最近佢同女友「大鼻」分手，就係話佢背住大鼻偷嗒另一部戲識嘅女，招數又係玩電話。其實喺舊年，另一個三打七「夢夢」都話同小明玩過電話傳情，當時夢夢仲係咁借呢樣嘢宣傳，小明死口唔認，但關仁八到係真，穿煲後小明激到生蝦咁跳，想鬧人又冇得鬧。小明一次又一次因電話傳情衰咗，好心佢諗過啲好啲嘅媾女大法啦。
撰文：關仁
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！