【本報訊】「大學生遲到都要罰企？」本報記者昨天訪問三位大學教授，他們聽到「罰企」兩字都感難以置信。立法會議員張超雄指自己在大學執教16年，從未聽聞遲到要罰企：「你縱然逼佢個軀殼嚟到，但靈魂唔喺度都冇用」，他認為罰企只是教小學生方法，對大學生全無必要，且有損尊嚴。
馬嶽：介意學生遲到
中大政治學系副教授馬嶽則指：「唔走堂仲讀咩大學呢？大學生係自己決定自己做乜嘢㗎嘛，你覺得唔想上堂咪唔好上囉。」他講課向來不點名，走堂的同學亦不多。但他坦言介意學生遲到：「不斷有人開門入來，對老師和同學都係騷擾，所以有些老師會關門唔畀入。」
理大工程學系工程師盧覺強說：「小學生先會罰企㗎喎，可能老師想學生好就執得嚴啲，但我覺得對大學生唔需要咁執着。」他指交通意外或塞車都可能導致遲到。本報昨查詢多間大學對學生遲到及缺席有何處分，科大指學生應準時上課以尊重講者，港大及中大傾向尊重學生獨立思考、相信他們會做成熟抉擇；嶺大則明確表示不鼓勵學生遲到或無故缺席課堂，但具體規則由教授自行決定。
激戰拍續集，但家輝話唔敢再變筋肉人？
到底練定唔練？即睇足本《亂噏24》，專訪張家輝、林超賢！
http://bit.ly/appletalk24