【圓方】陳豪老婆陳茵媺懷孕差唔多5個月，目前喺加拿大多倫多安胎，而陳豪因為要返香港做嘢搵奶粉錢，惟有自己一支公返香港先。冇老婆喺身邊嘅陳豪，做嘢之餘當然要搵啲娛樂，好似前晚就約咗老友麥長青（麥包）一家睇戲解悶，唔知係咪順便向麥包請教做爸爸嘅心得呢？
麥包齋睇冇幫襯
前晚7點半左右，記者喺圓方商場首先見到麥包一個人喺百老匯睇手機同相機，但試咗十分鐘都係冇幫襯，跟住佢行咗去間文具店睇袋，最後又係齋睇冇幫襯。之後麥包邊行邊講電話，行咗去戲院會合老婆仔女同戴住口罩嘅陳豪，原來佢哋成班人去睇戲。
陳豪同麥包等一行五人揀咗布斯韋利士（Bruce Willis）主演嘅《猛火爆2》（RED 2）嚟睇，入場前陳豪仲買咗爆谷、熱狗、汽水同咖啡同大家分甘同味。睇到9點45分左右散場，點知陳豪行到戲院門口先發現漏低嘢，於是急急腳孖住麥包走返入戲院，好在有驚無險搵得番。陳豪同麥包發現記者時，都有笑笑口揮手打招呼，問陳豪睇邊套戲？佢話：「《RED 2》。」然後同麥包一家各自各離開。
採訪、攝影：朱志聰、楊浩賢
激戰拍續集，但家輝話唔敢再變筋肉人？
到底練定唔練？即睇足本《亂噏24》，專訪張家輝、林超賢！
http://bit.ly/appletalk24