【本報訊】人生有幾多個十年，老店有幾多個百年。本港歷史最悠久達113年的華資百貨公司先施，中環總店剛完成百年歷史任務，新店即在毗鄰重開。新舊交替，第三代傳人馬景煊選擇今天大變身，連開三店，改商標、破天荒找美少女任代言人。春去秋來，馬說歷史並非包袱，先施百年代代創新：全港首間鐵價不二百貨店、首設女售貨員等，「2013年，店員唔使穿制服，都係第一」。
記者：蔡朗清
上周六（8月31日），先施中環百年老舖因大業主收回裝修關門，57歲的馬景煊與一眾員工告別老店，他傷感說，從小流連老店，母親每年帶他來買返學鞋，「嗰陣部𨋢都要有人喺入邊拉閘，仲係港島第一間大廈有𨋢」。
50年代聘舞女行時裝秀
馬景煊說，祖籍中山的姨丈公馬應彪到澳洲營辦果欄，掘了第一桶金，回港後於1900年1月8日創辦香港首間華資百貨公司先施，首創「鐵價不二」不講價營式經營，「第一間舖喺皇后大道中172號，1913年搬到德輔道中現址，有百年歷史。見證港島變遷，睇住門前電車路起。1945年二次世界大戰，日本軍嚟先施搶貨，好在店員早想出一招空城計，老早搬走晒啲貨」。
百年老店，每個年代有創新，馬說，先施亦首設發票，創貨物出門七日內可退換先河；亦是首間百貨公司聘女售貨員，「嗰個女售貨就係我嫲嫲」。他說，50年代先施全行首辦時裝展，聘請舞女走秀，「嗰陣根本無模特兒」。
馬景煊70年代留學美國及工作，90年代回港接手家族生意，擔任財務總監，全面電腦化及開拓內地巿場。他又在大連設先施，曾與時任巿長薄熙來交過手，「薄熙來當年好具魄力」。薄如今淪為階下囚，大連先施亦於去年底以三億元售出。
2013年，中環老店完成歷史任務，又成為革新契機，今年第三季一口氣開三店，中環李寶椿大廈新店月初開業，旺角及銅鑼灣新店分別於月底及11月上場，商標由藍底及英文大楷，改為紅底小楷顯活力，首創百貨公司店員不穿制服。
更大突破是百年老店首聘代言人及拍廣告，「搵咗劉馥怡Ezena做代言人，想帶來年輕活力感覺。我要將先施走向200年」。截至2月先施盈利7,482萬元，巿值逾三億元。
激戰拍續集，但家輝話唔敢再變筋肉人？
到底練定唔練？即睇足本《亂噏24》，專訪張家輝、林超賢！
http://bit.ly/appletalk24