【本報訊】宜家家居（IKEA）陳列大量床褥及沙發，情侶在店內憧憬建立家庭，甚至幻想在店內宿一宵。IKEA破天荒在港首辦「瞓身大派對」，IKEA市場經理馬少君指同類活動在外國受歡迎。「香港人𠵱家都開放咗，畀機會大家一齊過吓癮」。
記者：袁樂婷
馬少君說，港人選購床上用品時常有誤解，導致「床不稱身」，「歐洲人買床褥冇所謂硬定軟，會考慮多啲自己體重、身形，亞洲人就鍾情硬床褥」，如承托位置不合適，隨時一覺醒來腰痠背痛。部份人又常覺得枕頭不夠高，但只會不斷更換較厚的枕頭，「仰睡、側睡、趴睡各有唔同需要，如習慣側睡嘅就要跟番自己膊頭同頸嘅距離，揀個啱高度」。
為參加者選合適寢具
與陌生人在IKEA店內齊齊瞓一晚的「瞓身大派對」，在英國及澳洲等地甚受歡迎，「可能因為外國人慣咗去朋友屋企sleepover，大家都好自在咁帶晒睡衣，又好開心一齊刷牙」。香港於10月5日首辦同類派對，但因分店位置不夠，派對要另覓場地。
IKEA正透過Facebook收集創意睡眠照，至本月18日截止。參加者須拍下自己睡姿公諸同好，獲最多「like」兼最有創意的40人，可分別帶同一位朋友參加，截至昨日已收到逾500張相片。「最深刻係見到有爸爸抱埋個仔出鏡，好溫馨、好有family感覺。」
馬少君稱活動前會與參加者見面，了解其睡眠習慣，以便為他們選擇合適床褥和枕頭，參加者於活動當天更可自選枕袋及棉被，翌晨全套帶回家，總值逾8,500元。
激戰拍續集，但家輝話唔敢再變筋肉人？
到底練定唔練？即睇足本《亂噏24》，專訪張家輝、林超賢！
http://bit.ly/appletalk24