出爐港姐冠軍陳凱琳、亞軍蔡思貝、季軍劉佩玥及友誼小姐歐陽巧瑩等，噚日到佐敦接受后冠頒贈儀式，每個佳麗仲得到一套鑽飾。
冇私會志偉
陳凱琳同蔡思貝傳不和，兩位當事人例牌否認，蔡思貝話：「之前一直都好開心，一選完就傳不和，嗰晚一班佳麗食飯，我遲去係因為我要返屋企擺低嘢，同攞嘢畀其他佳麗。」蔡思貝仲話唔會因為負面報道刻意同陳凱琳扮friend：「我唔覺要因為報道專登做乜嘢，好與唔好都在心中，真實自己會知。」陳凱琳同樣話冇不和，反而覺得感情唔錯。對於有指蔡思貝冧掂曾志偉，佢話同志偉冇單獨會面，只係大會安排佳麗見過一次。
有人報料指劉佩玥嘅媽咪叫做林嬌，曾經選過港姐，噚日佢認媽咪叫林嬌，但冇正面回應媽咪係咪選過港姐：「因為同屋企人關係好密切，所以要好好保護佢哋，唔想畀到壓力屋企人。」陳凱琳就話會將后冠放喺保險箱保存，鑽飾就同媽咪分享佩戴。
撰文：馮仁昭
激戰拍續集，但家輝話唔敢再變筋肉人？
到底練定唔練？即睇足本《亂噏24》，專訪張家輝、林超賢！
http://bit.ly/appletalk24