【灣仔→銅鑼灣】無綫小花蔣家旻早前承認同無綫奀星朱敏瀚拍拖，無綫唔想佢哋太高調。前晚7點幾，蔣家旻一個人喺灣仔一帶遊蕩，佢攞住張地圖個樣好迷茫，搵路搵咗20分鐘，原來佢想去銅鑼灣廣場二期一間化妝品店。去到間舖，蔣家旻揀咗幾支眼睫毛液，唔知係咪最近升呢做咗葉念琛新片《第一次不是你》女主角，所以搵到贊助，見佢唔使埋單，簽個名就拎得走。
採訪、攝影：徐錦池、畢紹基
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！