動作指導和演員出身的錢嘉樂，今次又可以在紅館表演甚麼？他說：「我以前都有客串伊健、左麟右李演唱會，今次第一次自己有名孭騷，以前唱漏歌詞跳錯舞步都係玩吓箒，今次想認真試吓唱歌跳舞，希望真係成為一個音樂家，五個當中我最少經驗，阿Lo（林曉峰）唱歌都好聽，錄主題曲時先知自己好多嘢唔識，所以跟陳光榮學唱歌技巧。」
林曉峰做過DJ、演員、司儀，就是沒推出過唱片，他說：「我都係出一分力，用到我唱歌，需要我配合跳舞，我就會去做。」對於嘉樂爆他唱歌好聽，阿Lo笑說：「呢啲觀點與角度，每朝早照鏡我都覺得自己靚仔，古惑仔好多歌都係合唱，大家都識唱，我哋好認真唔係搞笑，呢個組合好奀皮，我哋奀皮咗咁多年都仲喺度，唔係玩滑稽。」
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！