點解我的看法會一百八十度轉變？不單只因為潮流已變，今天簡約得滯會感覺好齋。最重要的是牆紙印刷及製作的技術，與十幾年前，真的不可同日而語。其中一個突破是可以將一些物料的照片投射印製在牆紙上，例如回收木或紅磚的牆紙，就有許多設計師採用，因為唔使花費大量工時或物料就可營造raw的感覺。食正呢條水，而玩得最成功的品牌是NLXL。2010年由Rick及Ester Vintage創立的NLXL，最得意之作是夥拍Piet Hein Eek打造設計的Scrapwood Wallpaper Collection。有留意環保設計的朋友，一定會對Piet Hein Eek大名不會感到陌生。此君正是近年reclaimed wood家品潮流的始作俑者。講番NLXL，最迷人的地方是在整卷牆紙上沒有任何兩片wood plank pattern是重複的！NLXL咁畀心機，真係抵佢發達！NLXL另一項為design scene津津樂道的，是與巴黎潮店Merci大玩crossover的Brooklyn Tins Collection。這個系列的發生是有段古的，話說自Merci這所潮店開張大吉起，有一隅成為了不少遊人拍照留念的打卡位，那角落吸引之處就是表面鋪上了一片片vintage的Tin Molding （注：在1890至1930年代，美國紐約好些建築都用上Tin Molding，這種金屬壓印的decoration以平整天花版。由於這個方法較正常歐洲常用的石膏版批盪便宜，所以當時大行其道。為了模仿白色批盪，Tin Molding的銀灰色往往是以白色漆油塗上掩蓋，白色漆油時間久了就會部份剝落。）Merci的創辦人即靈機一觸，與NLXL聯繫，發展出Brooklyn Tins Collection這頹廢美的系列。
講完New School派，又點可以唔提吓Old School（懷舊）系。有頗多室內設計師都鍾情於vintage wallpaper的。當然地獨沽一味地set行懷舊feel，做到成套「花樣年華」場景，成間屋被vintage wallpaper大包圍，並不好看。要玩就應揀一幅，或一個天花版做feature。像美國享負盛名的Jonathan Adler就是好此道者。他在NYIGF（New York International Gift Fair）最近推出了自家命名的junior kid line，就用上了vintage wallpaper做setting。想學Jonathan Adler用番啲靚靚懷舊牆紙做裝飾，可到 http://www.vintagewallpapers.be網站選購。
另一隻非pattern造型，是七十年代勁興的園林「實景」、瀑布wallpaper，又名mural，近排又興番啦！不過今天演繹的方法無以前咁娘，無咁「海誓山盟」feel。其中一位我極欣賞的mural artist叫Rebecca Rebouche。她最擅長繪畫童話故事般的mural，可作wallpaper用，簡直「靚」絕人寰，有興趣買可託美國的朋友到 http://www.anthropologie.com代購。
作者：招國偉@aluminium（mailto:[email protected]）
激戰拍續集，但家輝話唔敢再變筋肉人？
到底練定唔練？即睇足本《亂噏24》，專訪張家輝、林超賢！
http://bit.ly/appletalk24