陳可辛被內地女星田樸珺稱為閨蜜，曾與陳可辛合作的圈中人均議論紛紛。
袁嘉敏
「我唔識呢個女仔，不過近日係有睇過佢寫嗰段專欄。Peter（陳可辛）係一個好好爸爸同伴侶，佢好重情義，份人又細心溫柔，好識關心人，喺女士心中會留下好印象，可能咁會令個女仔諗多咗。嗰時我幫Peter手，佢有時間都會講吓自己嘅心路歷程，不過就冇講私事。」
鄒凱光
「我睇過嗰篇文章，田小姐同陳可辛做嗰啲嘢我都有做，我都可以24小時打畀佢，睇內容其實係一般朋友。我同陳可辛傾電影劇本都會見到啲好detail東西，可能香港同內地閨蜜定義唔同，如果咁係閨蜜，我都係陳可辛閨蜜。我眼見理解陳可辛同君如係相當恩愛，相當好感情。」
江美儀
「冇聽過個名，佢好似好清楚了解，但其實寫得好好笑，連我都唔知喎。係咪真係咁close都唔知，呢個世界唔係男就係女，只要自己個心唔咁諗就冇問題，相信佢哋唔會有特別影響。」
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！