四太老友、金利豐（1031）老闆朱李月華噚日現身，在港為旗下先施錶行（444）代理嘅Franck Muller介紹代言人，咪就係近期人氣爆燈嘅「Cool魔」張智霖。
朱太有「殼后」之稱，出名識投資，原來揀代言人亦有一手。佢話，《衝上雲霄II》出街前，已經斟緊Cool魔做代言人，家陣人人都講，佢先知套劇係咁收得。可惜朱太應酬多，生意忙，冇時間煲劇，坦言「連套劇做乜都唔係好知」。
雖然朱太唔係呢套師奶劇嘅粉絲，但就好鍾意Cool魔，笑住咁讚佢形象好好，係好老公、好爸爸，咁多年形象都好正面，個人又nice咁話。
講開又講，朱太進軍名錶業後，會否考慮做埋珠寶生意呢？橫掂佢經常名錶襯珠寶咁現身。朱太回應話，真係有好多公司向佢招手，但𠵱家未有計劃。咁繼續做住珠寶公司VIP先啦！
激戰拍續集，但家輝話唔敢再變筋肉人？
到底練定唔練？即睇足本《亂噏24》，專訪張家輝、林超賢！
http://bit.ly/appletalk24