白鴿黨主席卿姐噚日訪問前高官馬時亨。在任時因仙股事件鞠躬道歉，問責精神被讚至今嘅肥馬，一開場就讚卿姐雖然冇份去法國飲紅酒、遊古堡，但都肯為黨友過失道歉，呢份道歉精神令佢相當敬佩。
講到仙股事件，肥馬話當年只喺電子傳媒鏡頭前道歉，冇預報紙行家，全因盲從一位資深政府人員建議，「我自己都覺得唔啱，係大細超」。卿姐補充，肥馬過去喺政府成日話自己「一肚貓」，「因為食咗好多死貓」。
對於醜聞連連卻死不認錯嘅陳謬波，肥馬坦言謬波至今畀公眾嘅觀感係有問題，相信將來要推動東北發展有難度，佢叫咗同為基督徒嘅謬波，得閒要多啲祈禱。
激戰拍續集，但家輝話唔敢再變筋肉人？
到底練定唔練？即睇足本《亂噏24》，專訪張家輝、林超賢！
http://bit.ly/appletalk24