香港地好多父母都只會生一、兩個小朋友，當仔女如珠如寶，連歌神張學友早前都自認怪獸家長，兩個女都有公主病，成日將啲衫周圍掉要學友執。有線高清奇妙娛樂台最近製作《星二代捱世界》節目，睇吓呢班星二代係咪個個都恃寵生驕。節目會喺聽晚播映第一集，頭炮搵咗林子祥個仔林德信（Alex）幫失明人士Tim完成夢想。
今次Alex算係做番老本行，因為Tim嘅夢想係推出唱片同舉行演唱會，Alex就打盡人情牌，搵埋Tim最欣賞嘅唱片監製Alex Fung幫手錄歌，Alex就負責彈結他伴奏。Alex將Tim嘅單曲製成CD single，仲將CD拎去唱片舖親自推介畀顧客。
麥潔文囝囝做清潔
之後佢哋又一齊開咗個迷你演唱會，Alex落手落腳幫手搬琴、拖地，兩個人喺台上演繹《Die with you》，任務成功！Alex同Tim一齊行街時，仲瞌埋眼體驗失明人士嘅苦況，令佢相當難忘。
覺得Alex份工唔夠辛苦？製作部門仲搵咗麥潔文個仔陳耀淙同黃日華個寶貝女黃芷晴入廚房工作，耀淙為咗幫單親家庭兒童有得品嚐爐端燒，就去咗廚房幫手洗碗同學整大蝦天婦羅。芷晴為咗畀一班老人家過一個開心中秋節，就去咗月餅製造工場整餅。佢哋一向都唔使捱，身為家長當然好肉痛，麥潔文同黃日華分別到場幫仔女打氣，夠晒溫情。
版主：陳基征
激戰拍續集，但家輝話唔敢再變筋肉人？
到底練定唔練？即睇足本《亂噏24》，專訪張家輝、林超賢！
http://bit.ly/appletalk24