吳千語入行數年，慢慢培養出時尚觸覺，如其他女人一樣最迷戀手袋及鞋履。千語日前示範Coach並接受訪問時，透露最愛classic輪廓且備功能的手袋，用上她的幸運藍色就最好。高踭鞋方面，千語指既能增加自信又有氣勢，絕對是心頭好。
吳千語與林峯每次拍拖，總有時尚手袋「點睛」。千語日前示範美國手袋品牌Coach秋冬系列，透露她最愛以手袋與鞋履作為時尚配飾。
高踭加氣勢
手袋與鞋履，前者千語情傾經典款式及注重功能，她說：「我唔鍾意成日換手袋，加上開工多嘢帶，所以實用多間格好緊要。我最鍾意藍色，係我幸運顏色，鍾意藍色喺深色同淺色之間，黑色會顯得我太瘦，同埋唔同藍有唔同個性。」
入行數年，千語表示最大消費是鞋，擁有過百對鞋的她，高踭鞋是近年的必需品，她說：「高踭鞋令到腳部線條拉長，着衫都好睇啲，出嚟做嘢企喺阿Lynn（熊黛林）隔籬凹咗落去，所以至少都會着5cm高踭鞋，高啲有氣勢，自信心都多啲，同埋𠵱家成日出活動要着晚裝裙，所以都會買多幾對成熟啲款，好似裸色、銀色同金色嘅鞋都要有。」
唔畀林峯揀
問到林峯有否讚千語穿高踭鞋好看，她笑言：「冇特別，男仔睇女仔着高踭鞋係唔係sexy，我哋女仔就睇會唔會fashion啲，靚係畀自己睇。」
採訪：梁錦雯
攝影：陳志嵐
場地提供：Coach（中環）
激戰拍續集，但家輝話唔敢再變筋肉人？
到底練定唔練？即睇足本《亂噏24》，專訪張家輝、林超賢！
http://bit.ly/appletalk24