全城唱好《狂舞派》，勾起Samantha幾近磨滅的熱血因子，「柒良」型到爆，呢個世代除了自嘲之外，有誰會鍾意被人稱呼做「柒×」，唔跟主流已困難，冒着被叫「柒×」而堅持自己目標更難，炒股日日過濾逾百條敏感資訊，加埋朋友和親戚猛料推介，究竟有多少人能企硬到最後？
做官亦如是，在民意面前幾多人唔使跪低，去做應該做嘅事？
印度央行行長上任第一日，凳未坐暖就話央行的職責不是為爭取選票，或facebook上的like而做，接着就話放鬆印度獨立以來的印度銀行業的管制，推行銀行體系自由化，投資者一邊替他心驚，一邊支持他。
昨日印度股市冠絕亞太區，印度盧比從新低回升，呢位行長究竟為加息可以去到幾盡？拭目以待！
強國也有性格企業，Google收購Motorola，微軟收購Nokia，堅持唔上市的華為斬釘截鐵講冇興趣收購BlackBerry，話希望靠自己，究竟說話背後藏着幾多的自信，至於冇否認收購的女婿熱門人選的聯想（992），Samantha想提提CEO楊生，科技日新月異，勿忘當年收購IBM的痛楚！
Samantha
本欄逢周一、三、五刊出
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange