「符碌」入行已一段時間，可惜樣貌同身材唔夠出眾，喺𡃁模界一直難有發圍。初出道時，佢同「方形」拍過拖，原本想借戀情上位，逼方形公開情侶關係，可惜方形嘅經理人公司唔制，怕冇晒班粉絲。後來方形越做越霉，符碌覺得佢再冇利用價值，就同佢分手。早前符碌有機會拍劇，但見自己冇乜新聞，所以自製同「大隻飛」嘅緋聞，但大隻飛就好抗拒，因自知個朵唔好，之前同個內地妹搞到一鑊粥，佢亦心水清知道符碌係有企圖，所以好快同佢劃清界線。
撰文：關仁
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！