【觀塘】糖妹（黃山怡）早前狠撇前男友何浩文（Dominic），當時Dominic仲眼紅紅話想箍煲，估唔到佢哋分手短短兩個月，Dominic話咁快已經忘盡心中情，前晚約索女新歡喺觀塘撐枱腳，呢位靚女更大有來頭，佢係台灣人氣組合S.H.E成員Selina妹妹任容萱。
前晚7點幾，Dominic約咗任容萱喺觀塘嘅corner 90餐廳密會，專登避開銅鑼灣、尖沙嘴呢啲狗仔隊出現嘅旺區。回復單身嘅Dominic施展渾身解數，不停講笑𠱁任容萱開心，兩人邊食邊傾鬼咁融洽，任容萱不時發出嬌笑，睇嚟Dominic嘅冧女功夫真係好犀利。
「識咗一段時間」
除咗有口才𠱁女叻外，Dominic仲攞埋手機出嚟同任容萱分享有趣內容，成餐飯喺歡笑聲中完結。佢哋離開時因為落緊雨，Dominic好有風度咁開遮幫任容萱擋雨，其間任容萱遇到女友人就同佢離開，Dominic好冇癮咁一個人走。
Dominic噚日接受電話訪問，佢話：「以前朋友介紹，識咗一段時間，知道佢嚟香港約佢食餐飯。」問係咪想追任容萱？佢話：「唔係，食餐飯箒，遲啲先算，𠵱家唔諗住，不過佢個人幾好又幾nice。」
採訪、攝影：徐錦池、畢紹基
激戰拍續集，但家輝話唔敢再變筋肉人？
到底練定唔練？即睇足本《亂噏24》，專訪張家輝、林超賢！
http://bit.ly/appletalk24