新任美國駐港總領事夏千福來港履新短短一個月多，親民作風獲得唔少港人歡心；想近距離親近夏千福嘅市民，最近有佳音，美領館上月底開始招聘美領事居所嘅管家，相信唔少「福迷」爭住去應徵。
朝九晚六有OT補水
呢個名為Residence Manager職位嘅招聘廣告，上月底開始喺美領館網頁刊登，下周五截止申請。呢個類近管家嘅職位月薪20,000至25,000蚊，五天工作，朝九晚六有OT補水，一年14日大假，年尾仲有花紅兼有醫療人壽保險，待遇尚算唔錯；若同特首辦比較，就係二級至三級家務員嘅待遇。
除咗負責居所嘅日常家務、活動安排，呢位管家仲要管理轄下四位員工。美總領事對申請人嘅要求一啲都唔簡單，要有兩年大專教育程度、最少一年做過招待客人、搞活動嘅工作，當然要操流利英文啦，同埋要識得港美嘅社交、文化規矩等等，有心應徵者真係要諗諗點樣突圍而出嘞。
為咗令夏千福喺香港度過嘅首個中秋節更難忘，有網民喺高登討論區發起「一人夾一蚊送月餅比夏千福bb」行動，期望集資送月餅畀夏千福品嚐，有人直情將兩張雙黃白蓮蓉月餅券連同信件，一併寄到美領館。狼英睇到，應該好羨慕咯。
mailto:[email protected]
激戰拍續集，但家輝話唔敢再變筋肉人？
到底練定唔練？即睇足本《亂噏24》，專訪張家輝、林超賢！
http://bit.ly/appletalk24