「新末日博士」魯賓尼（Nouriel Roubini）睇淡經濟前景，當然懂得及時行樂。55歲、仍然單身嘅佢，最鍾意同靚女搞派對狂歡，但最近可能玩得太嘈，俾人投訴，跟手仲被揭發佢屋企天台嘅按摩浴池係僭建，要罰錢兼即時清拆。
咪以為經濟學者一定生活乏味，魯賓尼嘅夜生活就多姿多采，經常俾傳媒影到同靚女夜蒲。佢三年前斥資550萬美元（約4,300萬港元），買入曼哈頓一個頂層複式連天台嘅單位，將天台變為派對私竇，加設一個可容納10人嘅按摩池，旁邊有酒吧、舞池。
被揭發按摩池係僭建之後，魯賓尼被罰600美元（約4,680港元）係小事，要拆咗個池冇得玩先至大件事。不過佢話，計劃正式申請喺天台加建按摩浴池，估計三個月內可以再玩。
魯賓尼自知唔係靚仔，曾話過啲靚女模特兒鍾意佢個腦袋，佢仲想試一王十后喎。嘩，真係好語出驚人！
激戰拍續集，但家輝話唔敢再變筋肉人？
到底練定唔練？即睇足本《亂噏24》，專訪張家輝、林超賢！
http://bit.ly/appletalk24