周潤發、杜汶澤及吳辰君前日在澳門威尼斯人泳池拍攝電影《賭城風雲》外景，原本拍阿澤與一眾比堅尼女郎在池畔嬉水的戲份，但因天雨關係，僅拍了一場戲就被迫停工。發嫂一直伴在發哥身邊，令性感比堅尼女郎沒有機會埋發哥身，只能遠眺賭神風采。坐在發哥身邊的是衣着密實的吳辰君，發哥笑說：「呢度波濤『胸』湧，一浪接一浪，不過我有金鐘罩，啲女埋唔到嚟！」
「玩嚟玩去都係老婆」
要慶祝我唔死得，獎勵就唔使喇！做咗40年可以有得揀戲拍囉，冇諗過退休，拍到我唔記得對白，啲人同我講：『阿伯收工喇！唔好阻住地球轉！』其實拍戲好好玩，幾十人同我玩，喺屋企好悶，玩嚟玩去都係我老婆。」發哥最愛是《英雄本色》、《秋天的童話》及《喋血雙雄》。
相反阿澤被眾女包圍，艷福無邊，他笑說：「我實力樣，發哥係神級，謝霆鋒冇女敢埋身，惟有我哽！」對於當年拍他監製的《伊莎貝拉》而走紅的梁洛施，跟小小超李澤楷產子分手後，最近終復出幕前，阿澤坦言有意和她再合作：「有啱嘅劇本都希望同佢呢啲好演員合作，睇緣份啦，我哋拍低成本，人哋有錢唔代表唔收多啲錢，唔好意思叫人收平你，我做演員都唔想人拍膊頭，有預算先叫佢拍。」
採訪、攝影：魯萍
激戰拍續集，但家輝話唔敢再變筋肉人？
到底練定唔練？即睇足本《亂噏24》，專訪張家輝、林超賢！
http://bit.ly/appletalk24