無綫藝人歌唱比賽《星夢傳奇》播出以來有收視有口碑，據悉無綫考慮效法港姐競選評分形式，安排市民和評判各佔百分之五十的評分來選出冠軍。記者昨向無綫非戲劇製作總監余詠珊求證時，她承認說：「《星夢》係會考慮呢個評分方法，觀眾同評判分數五十、五十，因為呢個節目好多觀眾支持，所以估計觀眾都會好熱衷參與投票。至於之前《星夢》曾經考慮舉行復活戰，但𠵱家我哋決定唔搞，因為大家（參賽者）都冇時間練歌，佢哋拍劇拍到瞓覺都冇時間咁滯，試問又點可能練歌練得好？」
對於《星夢》搞普選，高分王鄭俊弘昨在電話中大表支持說：「都OK㗎，因為呢個節目好多觀眾好鍾意。」可覺自己獲觀眾支持勝算高？鄭俊弘說：「唔可以咁講，羅鈞滿同王君馨都好多人支持㗎。」羅鈞滿也表支持說：「之前有聽過，我覺得都幾刺激，觀眾有份投票，睇得會更加投入。」
採訪：林妃
激戰拍續集，但家輝話唔敢再變筋肉人？
到底練定唔練？即睇足本《亂噏24》，專訪張家輝、林超賢！
http://bit.ly/appletalk24