喺國內聯賽一隊獨大係咪對國家隊好？小弟覺得呢個題目有個含混嘅地方，應該係話如果國內一隊獨大，同時大部份國腳都係嚟自嗰隊班霸，咁對國家隊嚟講好唔好？因為咁先至有得討論，否則如果一隊獨大得嚟成隊外援，咁就根本冇嘢好拗。
講例子，小弟諗起祖雲達斯；祖記對上兩季於意甲無敵，而近兩年意大利國家隊中後場核心全部嚟自這隊。舉12年歐國盃為例，意軍有7人來自祖記，其中有6個喺決賽上陣，包括保方、派路、巴沙利、邦路斯、基亞連尼同馬治斯奧。至於今年洲際盃，意軍有8人來自祖記，喺對西班牙嘅4強，7人正選，剩番嘅基奧雲高仲有後備落場，可見意軍近兩年極倚重祖記班底。跟住就睇吓意大利嘅成績，佢哋舊年喺一片睇淡下得到歐國盃亞軍，今年洲際盃亦有季軍，可見以祖記為首嘅意大利係成功。
用幾乎同一班球會隊員踢國家隊，優點好明顯，就係夾慣夾熟，默契好，但呢個只係踢得好嘅基礎，仲要國家隊教練識教，唔好太改班霸球會嘅戰術；如果支班霸踢兩翼，但國家隊要打中路入楔，叫啲球員無所適從，咁就盞搞。應該好似意軍教練柏蘭迪利，佢跟番祖記嘅陣式，用3-5-2，所以令到班祖記國腳發揮得好理想，令意軍近年都有好成績。文：咖喱
激戰拍續集，但家輝話唔敢再變筋肉人？
到底練定唔練？即睇足本《亂噏24》，專訪張家輝、林超賢！
http://bit.ly/appletalk24