星島集團（1105）CEO盧永雄有新搞作，佢將於今年10月1號開始唔做CEO，只做執董，以個人名義跟星島集團成立合資公司，發展互聯網同流動媒體業務，佢仲要係大股東，星島最多持有合資公司30%股權。
蕭世和更上層樓
查實幾個月前《都市日報》放盤嗰陣，已經有傳盧永雄夥拍星島同埋利福（1212）老闆劉鑾鴻合組財團競投，只係最終不敵藝人徐淑敏老公黃浩，買唔到。話唔定，盧永雄呢次同星島嘅合作係上一次嘅變奏。
盧永雄專心搞新生意，就由《星島日報》同《頭條日報》總編輯兼CEO蕭世和頂上，做集團CEO。𠵱家負責雜誌業務嘅執董黎廷瑤就調任兩份報紙嘅CEO。盧永雄舊年年薪912萬元，黎廷瑤就335萬元，唔知蕭世和升任CEO之後，人工幾多級跳呢？
激戰拍續集，但家輝話唔敢再變筋肉人？
到底練定唔練？即睇足本《亂噏24》，專訪張家輝、林超賢！
http://bit.ly/appletalk24