【本報訊】今年中秋明月特別圓。天文台指出，中秋節（9月19日）當晚，是自04年以來，滿月再度在中秋節晚出現，最圓的月亮會在當晚7時13分露面，而且當月上中天時仰角更達70度，「喺好多地方都可以睇到皎潔嘅月亮」。但屆時仍需天公造美，天色明朗市民才能共嬋娟。
「每個月農曆十五日嘅月亮，其實唔一定係最圓」。天文台科學主任梁延剛解釋，滿月是每個月月亮最圓的時刻，但並非一定是農曆十五日，因為需視乎月亮的軌迹。對上一次中秋節當晚出現滿月已是2004年，而今年再度出現，更於晚上7時13分，「曾經試過中秋滿月係喺下午」，今年市民便可一睹圓月，「不過講真，其實肉眼係分辨唔到，睇嚟同其他中秋節（月亮）一樣咁圓，但心理上覺得靚啲咪得囉」。
空曠地方皆可觀賞
甚麼時候最容易欣賞到一輪明月？梁延剛說是月上中天之時，「上中天」即月球橫越本地子午線的時間，此時月球位於正南方，仰角為全晚最高；中秋當晚月上中天時（即翌晨零時22分）仰角達70度，「90度即係月當頭，70度已經算高㗎喇」，故此基本上在大部份的空曠地方，都可以欣賞到一輪明月，「不過，最重要係天氣要好啦，否則就月亮幾圓都冇用」。
天文台目前只預測未來七天天氣，他說市民可留意未來數天有關中秋節期間的天氣報告。至於近來連日的雨勢，天文台預料今日有望逐漸減弱，部份時間有陽光，氣溫介乎24至28度，吹和緩至清勁偏東風。天文台又展望周末及下周初大致天晴。至於好天氣能否持續至中秋佳節，便要看看天公心情了。
中秋節月亮出現位置及時間
月出：下午6時07分
滿月（東方，仰角14度）*：下午7時13分
上中天（仰角70度）：翌晨零時22分
月落時間：翌晨6時41分
*註：自2004年以來滿月再度在中秋節當晚出現
資料來源：天文台
激戰拍續集，但家輝話唔敢再變筋肉人？
到底練定唔練？即睇足本《亂噏24》，專訪張家輝、林超賢！
http://bit.ly/appletalk24