本地西裝名牌詩閣Ascot Chang今年踏入60周年，由原本尖沙嘴金巴利道前舖後居到𠵱家衝出國際，連美國都有分店，累積咗大批星級顧客，美國前總統尼克遜、老布殊、法國前總統薩爾科齊、藝術大師Andy Warhol都幫襯過，香港政商界都有唔少擁躉，好似唐唐同阿松梁錦松等。
Ascot Chang𠵱家喺中環IFC mall搞周年展，第二代傳人張宗琪（Tony）噚日現身憶往事，話八十年代老布殊仲係美國副總統時，有次外訪途經香港24小時都不忘儀表，搵佢哋去酒店度身訂做西裝，當時佢哋經過兩重保安先入到去。事隔多年，Tony已經係Ascot Chang嘅董事經理，唔知仲有乜嘢大客要佢親自出馬度身？佢笑言最近接待過某國總統，但唔方便透露邊位。
激戰拍續集，但家輝話唔敢再變筋肉人？
到底練定唔練？即睇足本《亂噏24》，專訪張家輝、林超賢！
http://bit.ly/appletalk24