梁朝偉、吳鎮宇、韓國型男宋承憲昨日先後到尖沙嘴，出席意大利時裝品牌Paul & Shark的開幕儀式，其中擔任剪綵嘉賓的偉仔，昨午戴住墨鏡現身，一身白恤衫、白西褲配白鞋，外穿深藍色西裝褸，星味十足，吸引半百傳媒採訪，而在店外的內地自由行見到偉仔時，亦把握機會舉機拍照，其後偉仔在店前主持剪綵及醒獅點睛儀式，隨即返入店內，未有接受訪問。
法拉約友睇大結局
另一型男「Sam哥」吳鎮宇與陳法拉雙雙出席昨晚的宴會，二人表現如劇中情侶般甜蜜，鎮宇笑言最緊要大家滿意，對於有指他在北京置業，鎮宇否認說：「投資都係喺自己地方好啲，有乜嘢風吹草動都反應快啲。」至於他早前考獲直升機師牌，他透露是內地牌照，望稍後通過繁複的程序可在香港駕駛直升機。
法拉透露無綫劇《衝上雲霄II》大後晚播大結局會約同事一起收看，問到劇中她情歸何處？法拉大賣關子，但揚言很頭痛。對於張智霖對其戲份被刪得不完整有微言，法拉說：「相信冇事嘅！」
宋承憲向偉仔取經
宋承憲接受訪問時透露11月將拍有裸露鏡頭的電影《人間中毒》，他坦言沒這方面經驗，會感尷尬，又會為此軍人角色做運動操好身形。原來宋承憲是偉仔的超級粉絲，故十分期待昨日的見面，問到會否請教偉仔在《色，戒》中的裸露演出，宋承憲謂望跟偉仔在電影方面多交流。宋承憲昨午1時抵港準備出席活動，機場約有50多個忠實女粉絲拉橫額等偶像，有十多個工作人員及保安維持秩序。
昨晚謝婷婷盛裝出席宴會，婷婷被問到前阿嫂栢芝是否帶同兩子移民加拿大，婷婷坦言：「真係唔清楚，想關心打電話畀佢，但佢改咗電話。」不過婷婷約一個月前曾透過微信跟Lucas聯絡過，問到是否贊成姪仔移民？婷婷說：「佢哋父母決定啦，相信栢芝同阿哥都會畀最好嘅佢哋，不過媽咪（狄波拉）都話掛住啲小朋友，我都想過去探佢哋。」
採訪：譚倩宜、藍文浩
攝影：陳志嵐
肥佬黎有今日，全賴阿媽細個同佢講過乜？即睇最新一集《亂噏24》，話唔定幫到你！
http://bit.ly/appletalk24