羅蘭、高海寧和吳卓羲昨日在海洋公園出席「哈囉喂全日祭」，高Ling以白髮魔女造型示人，但仍不及「龍婆」羅蘭出位，羅蘭出場時載歌載舞，但跳跳吓竟然甩褲，露出肉色打底褲，幸她處變不驚，慢慢將褲頭拉起，繼續完成整個舞步。
事後羅蘭姐說：「好彩有條長褲打底，因為條褲好重。」今年還有間主題鬼屋，羅蘭姐會聲演嚇人，她說：「今年好巴閉有間古董店，之後都會帶班老友記來，不過有人話驚唔敢去。」
吳卓羲表示曾跟一大班朋友去哈囉喂，有男有女，否認會借機媾女或抽水，他說：「我自己都驚，唔會乘人之危喇！帶女仔嚟梗係唔夠膽，怕見到記者。」
採訪：楊潔雯
攝影：陳志嵐
肥佬黎有今日，全賴阿媽細個同佢講過乜？即睇最新一集《亂噏24》，話唔定幫到你！
http://bit.ly/appletalk24