（哀）AC米蘭擺烏龍，搞到麥巴耶尼安（右）冇得踢歐聯。AC周二決選歐聯A名單嘅25名球員，工作人員發覺人多得滯冇晒位，焗住放棄法國前鋒麥巴耶尼安。不過AC交完名單先發現，20歲嘅艾沙拉維（左）其實可以放落B名單，空出個位畀麥巴耶尼安。AC方面自知擺烏龍，都勇於認錯，出聲明向球迷道歉。歐聯B名單係為92年1月1號之後出世而效力咗兩年嘅球員而設，艾沙拉維啱啱踢夠兩年，而尼安只係踢咗一季。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange