徐濠縈與好友甘比都很緊張子女，經常親自接送小朋友返學放學，昨日甘比就陪與大劉劉鑾雄所生的囡囡劉秀樺到幼稚園上堂，被指養鬼仔的阿徐就潛水，只派外傭湊女兒陳康堤上學。
秀樺飾粉紅
昨午近1時，甘比送快將五歲的愛女劉秀樺，到北角維多利亞幼稚園返學，同場還見前亞姐曹央雲帶女兒上學，而大劉與另一女友呂麗君的囝囝也就讀該校。
甘比與囡囡乘坐「1M1SSU」車牌的白色七人車抵校後，由兩名保鑣撐傘護駕，與前日呂麗君出動四人保鑣與女傭的遮陣，臨上堂才急急湊仔返學比較，甘比在湊女方面明顯較從容。秀樺更未有如一般學童般穿白襪黑鞋來配校服，反而穿粉紅色襪仔，腳踏綴紅玫瑰的黑色芭蕾舞鞋，別有心思地打造可愛上學造型。甘比陪囡囡完成一個小時的課堂便離開，認真是廿四孝媽媽。
至於沒有母親送返學的康堤，昨早近8時由外傭陪同下坐七人車返拔萃女小學，在黃色暴雨下，康堤下車時非常狼狽，見到記者原本想用透明波點雨傘的她，改用實色雨傘擋面，匆匆步入學校。
只養比熊犬
阿徐則在微博現身，反駁被指花費逾百萬元供奉泰國鬼仔三年，來解決早前捲入黃浩的是非、老公陳奕迅與謝安琪的緋聞、以及陳奕迅近日自爆有躁鬱症的負面新聞，她寫道：「陳宅只養了三隻法國種的比熊犬，還住了兩個菲律賓籍的女傭人，還有我們一家三口，何來養鬼仔？實在佩服雜誌的創作能力。」
採訪：盧妹
攝影：陳慧安、吳耀輝
肥佬黎有今日，全賴阿媽細個同佢講過乜？即睇最新一集《亂噏24》，話唔定幫到你！
http://bit.ly/appletalk24