導演雲翔自第一部電影作品《無野之城》開始，電影已經因為要刪剪過檢，經常出入電檢處，連帶電影海報多次被指踩界被抽起。雲翔早前在北角的寫字樓接受訪問，形容香港的制度跟世界背道而馳：「大家都知電檢已經煩死我，但啲半政府機構先得人驚，社會越嚟越開放，但係佢哋反而傾向仲保守。唔止同世界同大陸都係背道而馳。」他以《無》片為例，電影本身為IIB級，海報放在巴士燈箱一日就被要求換下來，他笑說：「幅海報係一班後生仔赤裸上身瞓喺度，但負責燈箱廣告公司話有一個人投訴，所以唔畀用。我話：『吓，咁都得？』最後要臨時臨急印過張頂替。」
自此雲翔都不敢在隧道口、港鐵以至巴士燈箱登廣告，怕的就是各大公司的自我審查。他笑言這些審查又會因應不同的人或機構而有不同待遇，他指出最可笑的地方說：「我啲DVD封面睇多少少男人屁股罅都話唔得，燈箱海報就更加唔使諗，但係你睇近期A&F幅海報，男model背部全裸又冇事，呢啲係乜嘢標準，惟一解釋係被標籤。」
雲翔直言台灣方面都比香港開放，保守扼殺了很多創作空間及創意發揮。
撰文：何永寧
肥佬黎有今日，全賴阿媽細個同佢講過乜？即睇最新一集《亂噏24》，話唔定幫到你！
http://bit.ly/appletalk24