香港小姐冠軍陳凱琳、亞軍蔡思貝，季軍劉佩玥及友誼小姐歐陽巧瑩等，昨日於將軍澳出席收視報捷活動，當晚決賽最高收視達33點（約212萬人），而平均收視高達29點（約180萬人）。冠軍陳凱琳以一襲火紅低胸裝到場，對於當選後即被起底，有指其父身家高達以十億計更有舖王之稱，她說：「都係做小生意，自己覺得生活開心舒服最重要，舖方面我唔了解，爹哋嘅工作方面我向來冇理，大家畀少少私隱佢，資產方面亦都唔清楚。」她自言有心理準備被起底，她說：「今次都預咗會俾人起底，但真係唔好騷擾我屋企人，其實嫲嫲有啲驚，佢會有少少介意。」
落選港姐嘆乳酪
陳凱琳的港姐撐普選言論惹爭議，除被無綫「河蟹」外，曾志偉也覺得港姐不應談政治，陳凱琳明顯被「訓示」過，昨日亦有所收斂，回答時有點避忌說：「政治係要小心講，自己要好關心同留意，我都唔會唔開心，而且我都主要係講香港小姐選民嘅投票，覺得呢個方法好好，大家都好開心值得去鼓勵。」
對於志偉表示若以往年星級評審選舉，相反亞軍蔡思貝勝算較高，陳凱琳說：「觀眾同評判都好公平，自己今次表現好好。」陳凱琳自信十足，她昨在微博說：「有人說我長得像李嘉欣。」
此外，應屆落選港姐陳偉琪昨傍晚與疑似其母在銅鑼灣出現，與母分別後，她便到銅鑼灣乳酪店，原來她是等另一落選港姐歐陽巧瑩，不久應屆冠軍陳凱琳與季軍劉佩玥也加入，四女在乳酪店傾偈又合照，甚為老友。
嘉欣撐個人意見
前輩級港姐李嘉欣昨在尖沙嘴出席adidas慈善活動，對於出爐港姐冠軍陳凱琳被稱為平胸港姐，嘉欣說：「選得出都係靚女，同埋如果我都選到，證明對身材都冇乜要求，最重要係待人接物，香港代表大方得體。」對於陳凱琳當選後撐普選，嘉欣說：「我啱啱當選時對好多事都唔了解，發表個人意見OK，每人有自己聲音。」
另外，G.E.M.日前在民間智囊香港集思會撰寫文章力撐梁振英，她提到想跟特首說聲「加油」，原因是「這個角色實在很難做」，又謂他必承受很大壓力。文章發佈後即惹爭議，有網友批評她謬論處處，擔心其歌手身份會教壞下一代。
採訪：王崇穎、譚倩宜、梁繼光
攝影：陳慧安、陳志嵐、楊浩賢
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！