（怒）奧斯爾（右）轉會阿仙奴餘波未了，皇家馬德里眾星紛紛表示可惜，說話中仲帶有批評球會嘅意思。基斯坦奴朗拿度（C朗、左）話：「呢個係糟糕嘅消息，奧斯爾係最了解我走位嘅人。」消息人士指，C朗喺葡萄牙國家隊悶悶不樂，好嬲皇馬突然賣走佢嘅好拍檔。副隊長沙治奧拉莫斯都話：「如果畀我揸主意，我賣晒所有人，最後先會賣奧斯爾。」艾比路亞、艾斯高同賓施馬都好唔捨得奧斯爾走。人走茶涼，西班牙《阿斯報》話，奧斯爾件10號波衫會畀艾斯高，而卡卡件8號就畀莫迪歷。另外，奧斯爾亦唔滿意皇馬，話球會同教練安察洛堤都唔信佢，所以佢先轉投阿仙奴。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange