日本人氣拉麵店一蘭最近殺入香港，凌晨4點門外都仲有人排隊，香港原來真係有咁多夜鬼。如果吉野家都搞24小時營業嘅分店，唔知大家又點睇呢？
CEO最叻煲飯同燒牛肉
在內地東北地區經營吉野家嘅合興集團（047），公司CEO洪明基（Marvin）噚日透露，佢哋啱啱喺北京有11間分店試行24小時，深夜有牛肉飯同火鍋食，初步反應唔錯。如果做得好，會考慮拓展至其他地區。
至於由洪氏家族私人持有嘅香港吉野家，會唔會都有通宵舖呢？Marvin就話想先做意見調查。華華晚晚11點先至收工，如果市面上再多一個宵夜選擇，一定舉腳贊成。
Marvin除咗識得諗計發展公司業務，原來仲識得煮，不過屬於「有限公司」，有兩樣最拿手，分別係煲飯同燒牛肉，冇錯，即係吉野家招牌嘢。
佢話自己會用明火煲飯，唔用飯煲，咁先好食。食韓燒亦好鍾意親自燒牛肉，最緊要係將手掌放近塊鐵網上面，感受吓夠唔夠熱，咁燒出來先至正喎。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange