由17萬港人選出嚟嘅香港小姐，接受訪問時促狼英特首多聽民意，但有關報道竟然冇按慣例喺六點半新聞播出，對付呢啲敏感議題，事旦台以認真mode對待，王維基嘅香港電視（1137）想拎到牌，真係要學吓嘢。
中資股強勢重臨，海螺（914）連升兩日，直逼阻力區27元，一旦升破，上試30元難度不大。海螺上半年營業額235.9億銀，按年增長14.7%，期內盈利升4.3%至30.6億銀。各地區銷售額普遍上升，佔銷售比重共達39%的華中及華西地區，銷售額增長超過三成。至於佔比同樣達39%的華東地區，則因為市場競爭激烈拖低價格，令銷售額微跌1%。不過，據內地最新水泥研究報告，8月華東地區水泥價格有所上升，喺淡季嚟講實屬罕見，意味踏入傳統旺季時，升幅有望更勁，對主打華東地區嘅海螺嚟講，絕對係好消息。
日前工信部公佈，今年第二批工業行業淘汰落後產能企業名單，聚焦低檔造紙行業，消息刺激龍頭紙業股玖龍紙業（2689）及理文造紙（2314）分別勁升13%及7.6%。水泥行業乃產能過剩嘅重災區，一旦阿爺出手整頓，作為龍頭嘅海螺肯定最受惠，相信亦為股價破位嘅催化劑。
唐牛
肥佬黎有今日，全賴阿媽細個同佢講過乜？即睇最新一集《亂噏24》，話唔定幫到你！
http://bit.ly/appletalk24