關仁早排同啲幕後人員飲茶，聽佢哋講咗啲趣事，紅星「妙藥」早排拍緊套時裝戲，有日佢突然話好想食生果，仲講明想食榴槤，之後佢就同製片一齊去咗附近間生果店揀榴槤，工作人員攞咗兩隻榴槤畀妙藥食，張水果賬單就攞咗返去電影公司，但電影公司老闆簽單時，發現張單成三千幾蚊，火都嚟埋，問點解咁貴，製片話兩隻榴槤當然唔使咁貴啦，但妙藥仲買咗一大堆生果，叫工作人員送去佢屋企，老細聽完好谷氣，但又唔敢得罪佢，惟有啃咗張單囉！
撰文：關仁
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange