《大公報》、《文匯報》同《商報》三份左報連日狠批美國駐港總領事夏千福干預港務之時，就連獲夏千福接見嘅工黨李卓人都被批鬥，話佢勾結外國勢力喎！跑慣江湖嘅阿人，除咗一笑置之，仲膽大包天挑機。噚日佢專登喺facebook留言，話𠵱家正正身在香港機場，等緊去美國參加美國總工會嘅周年大會。無錯，「又係勾結外國勢力」呀，但佢同時話喎，今次中國總工會都會去「勾結」㗎，極具挑釁性咁話：「睇文大商（三份左報）又點批我」。八方都好想知，左報呢次點報道好？
肥佬黎有今日，全賴阿媽細個同佢講過乜？即睇最新一集《亂噏24》，話唔定幫到你！
http://bit.ly/appletalk24