今日嘅世界，人人都做咗低頭族，拎住部智能手機㩒吓㩒吓，要無時無刻吸收外界最新資訊。咁咩牌子嘅手機最受大學生歡迎呢﹖港大學生會本《學苑》早排就做咗個調查，訪問咗630位港大同學仔，統計邊隻牌子嘅手機最多人like。
調查結果都幾大路。有37%嘅受訪同學用緊Samsung手機，32%嘅人則用蘋果iPhone。其次就係Sony同HTC，分別有10%同8%嘅同學仔用緊。至於啱啱畀Micosoft收購咗、喺智能手機未流行嘅那些年、曾經雄霸手機市場嘅Nokia，都竟然有6%同學仔用緊，多過只有2%同學用嘅LG㖭呀。《學苑》嘅編輯同八方講，部份同學仔唔止有一部手機㗎，八方真係擔心，佢哋抬唔起頭做人。
肥佬黎有今日，全賴阿媽細個同佢講過乜？即睇最新一集《亂噏24》，話唔定幫到你！
http://bit.ly/appletalk24