【收租和味】
獨立股評人火燎森曾於今年2月親身飛往日本大阪睇樓，並睇中一個售價40萬港元的300呎單位，可惜被業主反價兩成告吹，不過他仍看好日本樓市，聲稱準備下半年投資1,000萬港元，到當地掃入住宅或單棟式商廈收租，預計租金回報高達20%。
火燎森透露，他曾考慮過在泰國或美國置業，「不過美國太遠，而且樓價已經升咗唔少，回報冇咁高。而泰國就因為做按揭太麻煩，多數係發展商借錢畀買家，要6年還清」。他表示，在日本置業可透過中國銀行在當地的支行進行按揭，「可以借五成，另外用人民幣做存款抵押，可以借多少少」。他建議在大阪置業，因當地住宅租金回報一般約12至17%，商舖租金回報更高達20%，即使扣稅後仍有16%回報：「1,000萬買咗，每個月租金有成20萬，如果買咗太古城，每個月租金只得萬幾蚊，而且日本樓價仲升緊。」
王弼：當退休投資
獅子山學會行政總監王弼亦在北海道札幌置業，花約400萬港元買入一個擁有22間套房的單棟物業，租金回報約15%，他建議首次投資不要在日本買樓，「回報的確幾好，但當地二手成交幾乎冇，要當退休投資咁，袋住日圓畀我得閒過日本使錢！」
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange