周潤發、吳辰君、袁嘉敏及梁敏儀昨日在澳門威尼斯人拍新戲《賭城風雲》，原先拍女演員在泳池落水戲，但因天雨而取消，問發哥可覺可惜？他笑言：「咁多靚女都波濤洶湧，如果落雨啲泳衣跣水仲好睇。」有指發哥經常到張兆輝老婆的美容店做facial，他笑謂：「張太一星期一定要摸我，唔係唔開心。」有否抽空到賭場？發哥稱：「唔去得，人哋搏殺唔專注真係生命攸關，輸咗要跳落去，為咗同我打個招呼唔見十幾萬真係死得。」
現場發哥見到無綫主播林子博，他即讚對方之前在《星夢傳奇》表現：「我偶像，我要拉隊支持你，我同你上頭講要你再翻兜，攞多幾隻戒指。」而吳辰君表示拍畢會返北京陪老公及囝囝，更希望明年生多個。
採訪：魯萍
攝影：陳志嵐
肥佬黎有今日，全賴阿媽細個同佢講過乜？即睇最新一集《亂噏24》，話唔定幫到你！
http://bit.ly/appletalk24